90 год з дня нараджэння У. Караткевіча

26 лістапада 1930 года – 25 ліпеня 1984 года

 

Сёння Уладзіміру Караткевічу споўнілася б 90 гадоў.

Уладзімір Караткевіч —адна з самых яркіх постацяў беларускай літаратуры XX стагоддзя. Ён плённа працаваў як паэт, празаік, драматург, публіцыст, літаратурны крытык, перакладчык i кінасцэнарыст. Асаблівая заслуга У. Караткевіча перад беларускай літаратурай у распрацоўцы гістарычнай тэматыкі. Пісьменнік узняў шырокія пласты нацыянальнай гісторыі, перадаў дух мінулых эпох, стварыў адметныя характары, раскрыў багаты духоўны свет сваіх герояў i звязаў ix асабісты лёс з лёсам народным. У Беларусі ён выканаў тую гістарычную місію, што Вальтэр Скот у Англіі, Генрык Сянкевіч у Польшчы, Алоіс Ірасек у Чэхіі.

У бібліятэцы да гэтай даты была прадстаўлена кніжная выстава "Быў. Ёсць. Буду."

    Чатыры галоўныя крыніцы пра жыццё і творчасць Уладзіміра Караткевіча  – гэта «Жыццё і ўзнясенне Ўладзіміра Караткевіча» Адама Мальдзіса, «Донжуанскі спіс Караткевіча» Дзяніса Марціновіча, «Доўгая дарога да дому» Васіля Быкава, «Леаніды не вернуцца да Зямлі» ці «Нельга забыць» Уладзіміра Караткевіча.